છેલ્લા દોઢ વર્ષમાં 4 સિંહના 41 જેટલા નખ શંકાસ્પદ રીતે ગુમ થઈ ગયા છે આ તમામ સિંહોના મૃતદેહ રેવન્યુ વિસ્તારમાંથી મળ્યા હતા અને તમામ સિંહના મોટાભાગના નખ ગુમ થઈ ગયા હતા ગત તારીખ 21 જાન્યુઆરીના ગીર પૂર્વની સરસીયા રેંજના ખોડીયાર ડેમમાંથી 9 થી 12 વર્ષના મૃત હાલતમાં મળેલ સિંહના 11 નખ મળ્યા હતા સાત નખ ગુમ થઈ ગયા હતા.

આ ઉપરાંત 15 ફેબ્રુઆરીના ખાંભા રેન્જના કોઠારીયા રાઉન્ડના ધુંધવાણ ગામે કુવામાં પડી ગયેલ 9 થી 12 વર્ષના સિંહના 18 માંથી 13 નખ ગુમ થઈ ગયા હતા અને માત્ર પાંચ નખ જ મળ્યા હતા તારીખ 10.7.21ના સાવરકુંડલા રેંજના હાથસંગમાં કોહવાયેલા સિંહનો મૃતદેહ મળી આવ્યો હતો તેના પણ સાત નખ ગુમ થઈ ગયા હતા. આ ઉપરાંત વિસાવદર રેંજના વેકરીયાના ડેમમાંથી તાઉતે વાવાઝોડા બાદ પંજા કપાયેલી હાલતમાં સિંહનો મૃતદેહ મળ્યો હતો તેમાંથી 14 જેટલા નખ ગુમ થઈ ગયા હતા ગીરની બહાર રેવન્યુ વિસ્તારમાં વિહરતા સિંહ ઉપર હજુ પણ ખતરો મંડરાયેલો છે સિંહ બાળને પ્રાચીન નજીક ફાસલામાં ફસાવી દીધું હતું.