મનિષા એસ.સુર્યવંશી/વ્યારા : કુકરમુંડામાંથી વરલી મટકાના અંકો પર જુગાર રમતા એક જુગારીયાઓને સ્થાનિક પોલીસે ઝડપી પાડ્યો હતો, જોકે પોલીસ રેડ જોઇને કેટલાક જુગારીયાઓ નાશી છુટ્યા હતા.

મળતી માહિતી મુજબ નિઝર પોલીસ સ્ટાફના માણસોને મળેલ બાતમીના આધારે ગતરોજ કુકરમુંડા ગામે ગ્રામ પંચાયત પાછળ કેટલાક ઈસમો જુગાર રમતા હોય, બાતમીના આધારે જુગાર સ્થળે પોલીસે રેડ કરી હતી જોકે પોલીસ રેડ જોઈને કેટલાક જુગારીયાઓ નાશી છુટ્યા હતા, જયારે શંકરભાઈ ગોનાભાઈ વળવી રહે,રાજપુર તા.કુકરમુંડા નાને જુગારના સાધનો, કાપલીઓ સહિતના મુદ્દામાલ સાથે ઝડપી પાડવામાં આવ્યો હતો. બનાવ અંગે પોલીસકર્મીની ફરિયાદના આધારે પકડાયેલા જુગારી વિરુદ્ધ ગુનો નોંધવામાં આવ્યો હતો.