પીપલખેડથી ખેરગામ જતા માર્ગ ઉપર ખાખરી ફળિયા ખાતે સફેદ કલરની ઈકો કારના ચાલકે મોટરસાયકલને ટક્કર મારતા ડોલવણ તાલુકાનાં ઉમરકચ્છના ૨૪ વર્ષીય તુષાર ચૌધરીને ગંભીર ઈજા થતા સારવાર દરમિયાન મોત થયું હતું. જ્યારે તેના ભાઈ ભાવિન ચૌધરીને ડાબા પગે ફેક્ચર થયું છે. પોલીસે ગુનો નોંધી વધુ તપાસ હાથ ધરી હતી.

મળતી માહિતી મુજબ, રાકેશભાઈ બાલુસિંગભાઈ ચૌધરી (રહે. ઉમરકચ્છ, નિશાળ ફળિયા તા.ડોલવાણ, જિ. તાપી)એ પોલીસ મથકે આપેલ ફરિયાદમાં જણાવ્યા અનુસાર ખેરગામ તાલુકાના પાણીખડકથી ખેરગામ જતા રોડ ઉપર ખાખરી ફળિયા પાસે સફેદ કલરની ઈકો કાર નંબર જીજે/૧૫/સીએચ/૨૭૩૩નાં ચાલકે યુનિકોન મોટરસાયકલ નંબર જીજે/૨૬/આર૪૯૩૩ને ટક્કર મારી હતી. આ બાઈક પર બે ભાઈઓ ખેરગામ એ.પી.એમ. સી માર્કેટ ખાતે જતા હતા. જે પૈકી ઉમરકચ્છના તુષારભાઈ અનિલભાઈ ચૌધરી (ઉ.વ.૨૪)ને ગંભીર ઈજા થતાં વલસાડની સિવિલ હોસ્પિટલમાં સારવાર માટે લઈ જવાયો હતો. જ્યાં તેનું મોત થયું હતું. જ્યારે ભાવિન અનિલભાઈ ચૌધરી (ઉ.વ.૨૨)ને ડાબા પગમાં ફેક્ચર ઉપરાંત શરીરને ઈજા પહોંચાડતા તે પણ તાપી ખાતે સારવાર માટે લઈ જવાયો છે. બાબતની ફરિયાદમાં પોલીસે કો કાર ચાલક સામે ગુનો નોંધ્યો હતો. આ ઘટનાની વધુ તપાસ પી.એસ.આઈ હાથ ધરી અકસ્માત કરનાર કાર ચાલકની ધરપકડ કરી હતી.