નવસારી એસ.ઓ.જી. પોલીસે વિદ્યાકુંજ સ્કૂલની સામે ફુટની દુકાનમાં ગેરકાયદેસર રીતે ફટાકડાનો સંગ્રહ કરી રાખનાર દુકાનદારની ધરપકડ કરી હતી. મળતી માહિતી મુજબ, નવસારી એસ.ઓ.જી.ને મળેલી બાતમીના આધારે નવસારી-ગણદેવી રોડના વિદ્યાકુંજ સ્કૂલની સામે આવેલી નેચરલ ફ્રુટ નામની દુકાનમાં છાપો મારી ગેરકાયદેસર રીતે કોઈપણ જાતના લાયસન્સ વિના ફાયર સેફ્ટીના સાધન વગર ફટાકડાનો સંગ્રહ કરી લોકોની જીંદગી સામે જોખમ ઉભુ કરનાર દુકાનદાર સુરજ રમેશચંદ્ર સોનકર (ઉ.વ.30., રહે. સી-૧૦૩, નીલકંઠ રેસિડન્સી, જમાલપોર, નવસારી)ને ઝડપી પાડી દુકાનમાંથી રૂપિયા 1.28 લાખના ફટાકડા કબ્જે કરી કાયદેસરની કાર્યવાહી હાથ ધરી હતી.