ચીખલીનાં સરૈયા ગામનાં પટેલ ફળિયાનાં દૂધ મંડળીની સામે રહેતા અનિલ મગનલાલ પટેલ (ઉ.વ.49) (હાલ રહે. એસઆરપીએફ જૂથ-11, વાવ, સુરત) નાઓ ગત તા.08નાં રોજ સાંજના સમયે પરિવાર સાથે દક્ષિણ ભારતના પ્રવાશે ગયા હતા. ત્યારબાદ તા.21નાં રોજ પરત વાવ (સુરત) ખાતે આવી પહોંચી કાકાનો દીકરો સરૈયા સ્થિત ઘરે આવી જોતા ઘરની આગળના મુખ્ય દરવાજાનું તાળું ખુલ્લું હતું.

​

જયારે અંદર પ્રવેશ કરી જોતા લોખંડના ચાર કબાટ, લાકડાનાં 3 કબાટ મળી કુલ સાત જેટલા કબાટમાં મુકેલ સરસામાન વેર વિખેર હાલતમાં જોવા મળ્યો હતો. તેમજ કબાટના લોકરમાં મુકેલ ચાંદીના ઝાંઝર, ઝુડો, વીંટી જેની કિંમત રૂપિયા 10,000/- અને એલસીડી ટી.વી કિંમત રૂપિયા 35,000/- મળી કુલ  રૂપિયા 45,000/-ની ચોરી અજાણ્યો ચોર ઇસમ કરી ફરાર થઈ ગયો હતો. બનાવ અંગે ચોરીની ફરિયાદ નોંધાવતા પોલીસે આગળની વધુ તપાસ હાથ ધરી હતી.