નવસારીનાં માણેકપોર ગામે વિશાલ રવજીભાઈ હળપતિ તેમના બે નાના ભાઈ અને માનસિક અસ્વસ્થ પિતા સાથે રહે છે જોકે તેમની માતાનું અવસાન થયા બાદ તેમના પિતા પણ અસ્વસ્થ હોય ઘરની તમામ જવાબદારી વિશાલ હળપતિ (ઉ.વ.21) ઉપર હોય તે ખેતીકામ કરી પરિવારનું આર્થિક નિર્વાહ કરતો હતો. સુત્રો પાસેથી મળતી માહિતી અનુસાર, વિશાલ તેમની ભીનાર ગામે રહેતી બહેનને મળવા માટે પોતાના કાકાભાઈની બાઇક નંબર GJ/21/BQ/3096 લઈને જવાનો હતો.

જોકે ગતરોજ સાંજે વરસાદ પણ પડતો હોય તે બાઇક લઈને તવડી-સાગરા થઈ માણેકપોર આવતા દેવન્યુ તળાવની સામે જાહેર રોડ પર વળાંક પાસે બાઇક અચાનક સ્લીપ થઈ જતા વિશાલ હળપતિની બાઈક રોડની બાજુમાં આવેલા વૃક્ષ સાથે અથડાતા ગંભીર ઇજા પહોંચી હતી. તેમજ વિશાલનું ગંભીર ઈજાને પગલે ઘટના સ્થળે મોત નીપજ્યું હતું. ઘટનાની જાણ પંચાયત સભ્યએ આપતા પોલીસે તપાસ શરૂ કરી હતી.