વાંસદા પોલીસ સ્ટાફનાં માણસો ગ્રામ પંચાયતની ચૂંટણીને લઈ પેટ્રોલિંગમાં હતી. તે દરમિયાન બાતમી મળી હતી કે, મહારાષ્ટ્ર તરફથી સાપુતારા વાંસદા થઈ સુરત તરફ સફેદ કલરની પીકઅપ ટેમ્પો નંબર એમએચ/06/બીજી/2450માં ઈંગ્લીશ દારૂનો જથ્થો ભરીને નીકળવાનો છે. જે બાતમીના આધારે વાંસદા-વઘઈ રોડ પર તાડપાડા ગામ પાસે વોચ રાખતા બાતમીવાળી પીકઅપ આવતા ઉભો રખાવી ટેમ્પોમાં તપાસ હાથ ધરતા સડેલી શાકભાજીના નીચે ઈંગ્લીશ દારૂની નાની-મોટી 1632 બોટલ મળી આવી હતી.આમ, પોલીસે ઈંગ્લીશ દારૂની 1632 બોટલ જેની કીન્માર રૂપિયા 2.04 લાખ અને ટેમ્પોની કીંમત રૂપિયા 2.50 લાખ તથા મોબાઇલ તેમજ રોકડા સહિત કુલ રૂપિયા 4,54,950/-નો મુદ્દામાલ કબ્જે કરી ચાલક હંસરાજ ઉર્ફે ગુડુ ઠાકુર (રહે.ચલથાણ) ના ઓની અટક કરી હતી. જ્યારે કૈલાશ મારવાડી (રહે.સુરત) તથા માલ લેનાર સંતોષ પાટીલ (રહે.સુરત)ના ઓને વોન્ટેડ જાહેર કરી પોલીસે આગળની વધુ તપાસ હાથ ધરી હતી.