નર્મદા જિલ્લાનાં નાંદોદ તાલુકાનાં ધારીખેડા ગામમાં નાળીયેરના ઝાડ ઉપરથી નીચે પટકાયેલા ઈસમનું મોત નીપજતા પોલીસે કાર્યવાહી હાથ ધરી હતી.

સુત્રો પાસેથી મળતી માહિતી અનુસાર, ધારીખેડા ગામમાં રહેતા રૂપલભાઈ માધવભાઈ વસાવા (ઉ.વ.48) જે ગામના જાંબુડાવાળા વગામાં આવેલા અમૃતભાઈ પરસોત્તમભાઈ વસાવાના ખેતરના છેડા ઉપર આવેલ નાળીયેરના ઝાડ ઉપર ચઢી નાળીયેર પાડતા હતા તે સમયે આકસ્મિત રીતે ઝાડ ઉપરથી નીચે પડી જતા ગંભીર ઈજાઓના કારણે તેમનું મોત નીપજ્યું હતું. બનાવ અંગે મૃતકના પત્ની રંજનબેન એ આમથેલા પોલીસમાં જાન કરતા પોલીસે તપાસ હાથ ધરી હતી.