નાંદોદ તાલુકાનાં શહેરાવ તથા નીકોલી ગામેથી ખેતરમાંથી રૂપિયા 2,40,000/-ની ડ્રિપ ઇરીગેશનની પાઇપો ચોરી થતા, ખેડૂતોમાં ભય જોવા મળ્યો છે. ડ્રિપ ઇરીગેશનની પાઇપોની ચોરીના વધતા બનાવોથી ખેડૂતો હેરાન થઈ રહ્યા છે.

 

 

 

શહેરાવ ગામના અર્જુનસિંહ ખુમાનસિંહ બારડના ખેતરના શેઢા પર મુકેલી રૂપિયા 2,10,000/-ની ડ્રિપ ઇરીગેશન ની પાઇપોની ચોરી થઈ છે અને આજ રીતે અન્ય બનાવ નિકોલીના અશ્વિનભાઈ શંકરભાઈ પટેલના ખેતર નિકોલી ગામે કાંદરોજ અને સિસોદ્રા ગામની સીમમાં આવેલ ખેતરના સેઢા ઉપર ડ્રીપ ઈરીગેશનની પાઇપો બંડલ નંગ-25 જેની કિંમત રૂપિયા 30,000/-ની ચોરી થઈ હતી.

 

 

 

આ ઘટના અંગે અર્જુનસિંહ ખુમાનસિંહ બારડ અને અશ્વિનભાઈ શંકરભાઈ પટેલની ફરિયાદના આધારે રાજપીપળા અને આમલેથા પોલીસે ગુનો નોંધી આગળની તપાસ હાથ ધરી હતી.(ભરત શાહ દ્વારા રાજપીપળા)