મુળ ઉત્તરપ્રદેશનાં જોનપુર જિલ્લાનો એક શ્રમિક પરિવાર ઓલપાડ તાલુકાના સાયણ ટાઉનમાં રહે છે. આ પરિવારમાં ૭ વર્ષ ૩ માસની બાળકી તેના મમ્મી-પપ્પા સાથે રહે છે. જયારે સાયણ ટાઉનમાં મુળ ઉત્તરપ્રદેશ રાજ્યના ગાજીપુર જિલ્લાનો વતની અને હાલમાં શ્રમિક વસાહતની આદર્શનગર સોસાયટી-૩માં ભીમ દિનદયાલરામ ચમાર પણ રહે છે.

મંગળવારે સાંજે દર્શના જયારે તેના કોમ્પલેક્ષની નીચે રમી રહી હતી. તે સમયે નરાધમ ભીમ દિનદયાલરામ ચમારે દર્શનાને કેળા ખાવા આપવાની લાલચ આપી તેના કોમ્પલેક્ષના ચોથા માળે આવેલી તેની રૂમમાં લઈ ગયો હતો. ત્યાં પહોંચી આ નરાધમે દર્શનાના શરીર અડપલા કર્યા હતાં. દરમિયાન દર્શનાને શોધતી તેની મમ્મી ત્યાં આવી પહોંચતા તેણીએ નરાધમની હરકત નિહાળી હતી. જેથી દિકરીની માતાએ બુધવારના રોજ ઓલપાડ પોલીસ મથકમાં ફરિયાદ નોંધાવી હતી.