એસીબીએ વધુ એક અપ્રમાણસર મિલકતનો કેસ દાખલ કર્યો છે. જેને લઇ લાંચિયાઓમાં ફફડાટ પ્રસરી જવા પામ્યો છે.

 

તાપી જીલ્લાની વ્યારા ખાતે જમીન વિકાસ નિગમની કચેરીમાં ફિલ્ડ આસીટન્ટ તરીકે ફરજ બજાવતા રમેશભાઈ કેશવભાઈ વસાવા પાસેથી 2,20,55,638/- (આંકે રૂપિયા બે કરોડ વીસ લાખ પંચાવન હજાર છસો આડત્રીસ રૂપિયા)ની અપ્રમાણસર મિલકત મળી આવી છે. રમેશભાઈ કેશવભાઈ વસાવા વિકાસ નિગમમાં ફિલ્ડ આસીટન્ટ હતાં. આ આરોપી અન્ય સહઆરોપી સામે 2018માં ગુનો દાખલ કરવામાં આવ્યા હતાં.

 

આ અંગે એસીબીએ પત્રકાર પરિષદ યોજી હતી. જેમાં એસીબીએ જણાવ્યુ હતું કે, ખેત તલાવડી, સિમ તલાવડી,પાણીના ટાંકા બનાવવાની યોજનામાં કૌભાંડ આચરવામાં આવ્યું હતું. સરકારી અધિકારી/કર્મચારીઓ દ્વારા ગેરકાયદેસર રીતે રસમો અપનાવી કે સત્તાનો દુરઉપયોગ કરી પોતાની કાયદેસરની આવકના પ્રમાણમાં અપ્રમાણસર મિલકત વસાવવા અંગેના વર્ષ 2020 માં પ્રસ્તુત ગુના સહિત વર્ગ-1 ના 2, વર્ગ 2 ના 5, અને વર્ગ 3 ના 11 એમ કુલ 18 આરોપીઓ વિરુદ્ધ 25,60,70,060/- ( અંકે રૂપિયા પચ્ચીસ કરોડ સાઈઠ લાખ સિત્તેર હજાર ઓગણીસોસિત્તેર રૂપિયા પુરા ) ની અપ્રમાણસર મિલ્કત શોધી કાઢવામાં આવી છે.

 

અત્રે ઉલ્લેખનીય છે કે,  ખેતતલાવડી અને પાણીના ટાંકા બનાવવામાં આવ્યા હોવાનો ખોટો રેકર્ડ કાગળ પર ઊભો કરી સરકારી તિજોરીને કરોડો રૂપિયાનો ચૂનો ચોપડાયો હતો.