માંગરોળનાં પીપોદરા ગામે અજાણ્યા બાઈક ચાલકે રાહદારીને અડફેટે લેતા તેનું ગંભીર ઈજાથી ઘટના સ્થળે મોત થયું હતું. સુત્રો પાસેથી મળતી માહિતી મુજબ, રઘુનાથ પાંડવ સ્વાઈન (ઉ.વ.૪૬) કોસંબા પોલીસની હદમાં પીપોદરા ગામે આવેલી રાધે સિલ્વર ઈન્ડસ્ટ્રીઝ જવાના રોડ પરથી ચાલતા જઈ રહ્યા હતા. તે દરમિયાન પાછળથી પુરઝડપે આવેલ અજાણ્યો મોટરસાઈકલ ચાલક રઘુનાથને અડફેટે લઈ ફરાર થઈ ગયો હતો. રઘુનાથને ગંભીર ઈજાઓ પહોંચતા સારવાર અર્થે નજીકની હોસ્પિટલ ખાતે ખસેડવામાં આવ્યા હતા. જ્યાં ફરજ પરનાં ડોક્ટરોએ તેમને મૃત ઘોષિત કર્યા હતા. પોલીસે અજાણ્યા બાઈક ચાલક વિરુદ્ધ ગુનો નોંધી કાયદેસરની કાર્યવાહી હઠળ ધરી હતી.