વલસાડ જિલ્લાનાં ઉમરગામમાં સાંઈ પેલેસના રૂમ નં.૨૦૨માં ઈન્તેખાબ આલમ ગુલામનબી ખલી પરિવાર સાથે રહે છે. ઈન્તેખાબ આલમની પત્ની પરવીન ઇન્તેખાબ આલમ ખલીજ્ઞ (ઉ.વ.૩૨)ને ઘણા સમયથી સંતાન નહીં રહેતા ઘણી દવાઓ અને ઓપરેશનો કરવા છતાં ડોક્ટરે સંતાન પ્રાપ્તિની શક્યતા ઓછી હોવાનું જણાવાતા પરવીન માનસિક તણાવમાં રહેતા હોવાથી ઊંઘની ગોળીઓ લેતી હતી. શુક્રવારના રોજ ઘરે જમવા બાબતે સાસુ પરવીનબાનુ સાથે તેણીને બોલાચાલી થતાં પરવીને જમવા વગર ઊંઘની ગોળીઓ લીધી હતી. ત્યારબાદ રાતનાં પતિ ઘરના બીજા રૂમમાં ખુરશી ઉપર બેસી ફોન ઉપર વાત કરતા હતા. તે સમયે તેના પાછળથી ઓશીકું લઈને પરવીન સ્લાઇ ડરવાળી બારી પાસે બેસવા જતાં બીજા માળેથી નીચે પડી જતા શરીરે ગંભીર ઈજા થઈ હતી. જેથી તેને સારવાર માટે ઉમરગામની મમતા હોસ્પિટલમાં લઈ જતા ફરજ પરના ડોક્ટરે પરવીનને મૃત જાહેર કરી હતી. બનાવ અંગે ઉમરગામ પોલીસને જાણ થતાં અકસ્માત મોતનો ગુનો નોંધી વધુ તપાસ હાથ ધરી હતી.