મનિષા એસ. સુર્યવંશી/તાપી : ડોલવણનાં દાદરી ફળિયામાં આવેલ આયુષ્માન ભારત દવાખાનાની પાછળ આવેલ ગૌચર જમીનની જગ્યામાંથી ખેરનું ઝાડ ચોરી કરનાર એક ઝડપાયો, જયારે આ કામે ત્રણ જણાને વોન્ટેડ જાહેર કરવામાં આવ્યા હતા. મળતી માહિતી મુજબ, ડોલવણનાં બેસનીયા ગામનાં ઉપલું ફળિયામાં રહેતો હિતેશભાઈ ગમનભાઈ કોંકણી નાંઓ ગત તારીખ ૦૫/૦૧/૨૦૨૫ નાંરોજ ગામનાં જ દાદરી ફળિયામાં આવેલ આયુષ્માન ભારત દવાખાનાની પાછળ આવેલ ગૌચર જમીનની જગ્યામાંથી ખેરનું ઝાડ આશરે ૧૨ ફૂટ લાંબુ જેની કિંમત આશરે રૂપિયા ૬,૦૦૦ને ચોરી કરતા ઝડપાઈ ગયો હતો.

જયારે આ કામમાં સામેલ વિપુલભાઈ રાજેશભાઈ કોંકણી (રહે.બેસનીયા ગામ, ઉપલું ફળિયું, ડોલવણ), કૌશિકભાઈ કોંકણી (રહે.બેસનીયા ગામ, ઉપલું ફળિયું, ડોલવણ) અને સતિષભાઈ (રહે.પીઠાદરા ગામ, ડોલવણ)નાઓને વોન્ટેડ જાહેર કર્યા હતા. બનાવ અંગે અમરસિંગભાઈ રણેસીંગભાઈ ચૌધરી (રહે.જુનુ પટેલ ફળિયું, ડોલવણ)નાંએ ખેરનું ઝાડ ચોરી કરનાર સામે ડોલવણ પોલીસ મથકે ફરિયાદ નોંધવતા પોલીસે ગુનો નોંધી કાયદેસરની કાર્યવાહી હાથ ધરી હતી.