મધ્યપ્રદેશનાં અલીરાજપુર જિલ્લામાં એક ઘરમાં પાંચ લોકો ગળે ફાંસો ખાધેલી હાલતમાં મળી આવતા ખળભળાટ મચી ગયો હતો. જયારે પતિ-પત્ની અને 3 બાળકોનાં મૃતદેહ મળ્યાની માહિતી મળતા જ જિલ્લાના એસ.પી. ઘટના સ્થળે પહોંચી ગયા હતા. આ હત્યા છે કે, સામૂહિક આપઘાત તે અંગે એફ.એસ.એલ. અને પોસ્ટમોર્ટમ રિપોર્ટ બાદ તે વિશે ખુલાસો થઇ શકશે. અલીરાજપુર જિલ્લાના સોંડવા પોલીસ સ્ટેશન વિસ્તારની હદમાં રાવડી ગામમાં આ ઘટના બની હતી. મૃતકોના ઘરના વડા રાકેશ, તેની પત્ની લલિતા અને દીકરી લક્ષ્મી, બે દીકરા અક્ષય તથા પ્રકાશ આ ઘટનાનો ભોગ બન્યા હતા. સંબંધીઓના અહેવાલ અનુસાર સંપૂર્ણ પરિવારની હત્યા કરાઈ હોય તેવું લાગે છે. ઘટના અંગે પોલીસ આ મામલે તપાસ કરી રહી છે.