સાંસદ પ્રભુભાઈ વસાવાએ હની પાર્ક ગ્રાઉન્ડ, આનંદ મહલ રોડ, અડાજણ ખાતે આયોજિત સરસ મેળાની મુલાકાત લીધી હતી. તેમણે અહીં દેશના વિવિધ રાજ્યો અને ગુજરાતના વિવિધ જિલ્લાઓથી સ્વઉત્પાદિત ચીજવસ્તુઓના વેચાણ અર્થે આવેલ સ્વસહાય જૂથોની મહિલાઓ સાથે સંવાદ કરી તેમને પ્રોત્સાહન પૂરૂ પાડ્યું હતું. તેમણે સ્વસહાય જૂથોના વિવિધ ઉત્પાદનો નિહાળ્યા હતા અને ચીજવસ્તુઓના ઉત્પાદન પ્રક્રિયા અંગે પૃચ્છા કરી હતી. જિલ્લા ગ્રામ વિકાસ એજન્સીના નિયામકએ સરસ મેળા અંગે સાંસદને માહિતગાર કર્યા હતા. જિલ્લા વિકાસ અધિકારી પણ સાંસદ સાથે મુલાકાતમાં જોડાયા હતા.