તાપી જીલ્લા એલસીબીએ આજરોજ વધુ એક મોપેડ બાઈકના ચોર ખાના માંથી દેશીદારૂ ઝડપી પાડ્યો છે, જોકે આ બનાવમાં દારૂની ફેરફારી કરતા ખેપિયાઓ મોપેડ બાઈક મૂકી ફરાર થઇ જતા તેઓને વોન્ટેડ જાહેર કરવામાં આવ્યા છે.

મળતી માહિતી અનુસાર તાપી જીલ્લા લોકલ ક્રાઈમ બ્રાંચનો સ્ટાફ આજરોજ પેટ્રોલિંગમાં હતો તે દરમિયાન હેડ કોન્સ્ટેબલ લેબજીભાઈ પરબતભાઈને મળેલ બાતમીના આધારે સોનગઢ તાલુકાના ચાપાવાડીથી રામપુરા જતા રસ્તા ઉપર વોચ ગોઠવી હતી તે દરમિયાન બાતમી વાળી મોપેડ બાઈક આવતા તેને રોકવાનો પ્રયાસ કર્યો હતો પરંતુ મોપેડ સવાર બે ખેપિયાઓ એક સ્કુલ પાસે મોપેડ બાઈક મૂકી નાશી છુટ્યા હતા.

સ્થળ પર પહોચેલી પોલીસે તપાસ કરતા મોપેડ બાઈક નંબર જીજે/19/એપી/4417 ના સીટની ડીકી તથા આગળ હેડલાઈટના ઉપરના ભાગે ચોરખાના માંથી ભારતીય બનાવટનો દેશી દારૂ જેકપોટ સંતરાની કુલ 96 બાટલીઓ મળી આવી હતી, આ બનાવમાં મોપેડ બાઈક મૂકી નાશી છુટેલા બંને આરોપીઓ સામે સોનગઢ પોલીસ મથકે ગુનો દાખલ કરી વોન્ટેડ જાહેર કરવામાં આવ્યા છે.