વૈશ્વિક મહામારી કોરોના વાયરસ (કોવિડ-19) ને ધ્યાનમાં રાખીને ગ્રામ્ય વિસ્તારોમાં વિદ્યાર્થીઓને પડતી મુશ્કેલીઓ જોતા આજરોજ સોનગઢ તાલુકાના બોરદા સ્કૂલમાં વિદ્યાર્થીઓ માટે લોંગ બુક વિતરણ કરાઈ હતી.

તાપી જીલ્લાના અતિ છેવાડે આવેલ સોનગઢ તાલુકાના બોરદા સ્કૂલમાં ધોરણ 9 થી 12 સુધીના કુલ 280 જેટલા વિદ્યાર્થીઓની જરૂરિયાતને ધ્યાન લઇ બીજલબેન જગડ,ઘાટકોપર(મુંબઈ) અને મહિન્દ્રભાઈ ગડા દ્વારા 10 હજાર લોંગ બુક્સ અને બોલપેન વિતરણ કરાઈ હતી. લોક પરબ,ભટવાડાના સંયોજક જેતસીભાઈ ગ્રામશિલ્પીના માધ્યમથી લોંગ બુક નું વિતરણ કરવામાં આવ્યું હતું.

બુક્સ વિતરણ સમયે સોસિયલ ડીસ્ટન્સ,સેનેટાઈઝર અને મોઢે માસ્કનો ફરજિયાતપણે ઉપયોગ કરવામાં આવ્યો હતો. જેમાં વિદ્યાર્થી  દીઠ 30 લોંગ બુક્સ આપવામાં આવી હતી. ગામના વિદ્યાર્થીઓ અને તેમના પરિવારજનોએ સંસ્થાનો આભાર વ્યક્ત કર્યો હતો.