ભા૨તીય ચુંટણી આયોગ દ્વારા તા.૦૩/૧૧/૨૦૨૨ના રોજ પ્રસિધ્ધ ક૨વામાં આવેલ પરિપત્રથી તા.૦૧/૧૨/૨૦૨૨ અને તા.૦૫/૧૨/૨૦૨૨ના રોજ યોજાનાર ગુજરાત વિધાનસભાની સામાન્ય ચૂંટણી–૨૦૨૨નો વિગતવા૨ કાર્યક્રમ જાહે૨ ક૨વામાં આવેલ છે. જે અંતર્ગત આદર્શ આચારસંહિતા બાબતે માર્ગદર્શક સુચનાઓ બહાર પાડી તેનો અમલ કરવા સુચના આપવામાં આવેલ છે. ચુંટણીને અનુલક્ષીને રાજકીય પક્ષોના ઉમેદવારો તેમના કાર્યકરો સાથે વાહન ઉપર લાઉડ સ્પીક૨ લગાડી પ્રચાર કરતા હોય છે અથવા પ્રચા૨ કરાવતા હોય છે.

પ્રચારમાં વાહનોનો ઉપયોગ કરવા માટે જે તે વિસ્તા૨ના સક્ષમ અધિકારી પાસે વાહનની નોંધણી કરાવી પરવાનગી લેવાની હોય છે. આવી મેળવેલ પરવાનગી/પરમીટો વાહન ઉપર સ્પષ્ટ રીતે દેખાય તે રીતે વિન્ડ સ્ક્રીન પર લગાવવાની હોય છે. વધુમાં પ્રચાર માટે માઇકનો ઉપયોગ કરવા માટે પણ સબંધિત સક્ષમ અધિકારીશ્રીની પરવાનગી મેળવવાની હોય છે. જે સુચનાઓનો ચુસ્ત પણે અમલ થાય તથા ચૂંટણી પ્રક્રિયા મુકત અને ન્યાયી વાતાવ૨ણમાં યોજાય તે માટે અધિક જિલ્લા મેજિસ્ટ્રેટ, તાપી-વ્યારા આર.જે.વલવી દ્વારા  ફોજદારી કાર્યરીતિ અર્ધનયમ-૧૯૭૩ની કલમ-૧૪૪થી મળેલ સત્તાની રૂએથી જાહેરનામુ પ્રસિધ્ધ કરવામાં આવે છે.

આ જાહેરનામા અનુસાર કોઇ પણ રાજકીય પક્ષના ઉમેદવારો કે કાર્યકરો પોતાના પક્ષના ચૂંટણી પ્રચાર માટે વાહનનો ઉપયોગ વિધાનસભા મત વિસ્તારના ચૂંટણી અધિકારી પાસે વાહનની નોંધણી કરાવી ૫૨વાનગી મેળવ્યા સિવાય વાહનનો કે લાઉડ સ્પીકરનો ઉપયોગ કરી ચૂંટણી પ્રચાર કરી શકશે નહી. ચૂંટણી પ્રચારમાં ઉપયોગમાં લેવાયેલ વાહનો ઉપર વિન્ડ સ્ક્રીન ઉપર પરમીટ લગાડયા સિવાય ચૂંટણી પ્રચા૨ કરી શકશે નહી. વગ૨ ૫રવાનગીએ વાહનમાં લાઉડર-સ્પીકરનો ઉપયોગ કરી ચૂંટણી પ્રચાર કરવા ઉ૫૨ પ્રતિબંઘ ફરમાવવામાં આવે છે.

આ હુકમ તા.૧૦/૧૨/૨૦૨૨ના કલાક ૨૪.૦૦ સુધી તાપી જિલ્લા હસ્તકના સમગ્ર વિસ્તારમાં અમલમાં રહેશે.આ હુકમનો ભંગ કરનાર વ્યકિત ભારતીય દંડ સંહિતાની કલમ-૧૮૮ મુજબ શિક્ષાને પાત્ર થશે. તાપી જિલ્લામાં ફરજ બજાવતાં હેડ કોન્સ્ટેબલથી નાયબ પોલીસ અધિક્ષક સુધીનો હોદ્દો ધરાવનાર તમામ અધિકારીશ્રીઓને આ જાહેરનામાનો ભંગ કરનાર ઈસમો વિરૂધ્ધ ફરીયાદ ક૨વા માટે અધિકૃત ક૨વામાં આવે છે.