આખરે દુનિયા જે ક્ષણની રાહ જોઈ રહી હતી, તે ક્ષણ આવી ગઈ છે. 71મી મિસ વર્લ્ડના નામની જાહેરાત થઈ ચુકી છે. ચેક રિપબ્લિકની ક્રિસ્ટીના પિઝકોવાએ આ બ્યૂટી પેઝેંટને પોતાના નામે કર્યુ છે અને લેબનાનની યાસ્મીના ફર્સ્ટ રનરઅપ રહી છે. મિસ વર્લ્ડના ફિનાલેનું આયોજન 9 માર્ચના રોજ મુંબઈના ઝિયો વર્લ્ડ કન્વેંશન સેન્ટરમાં થયું હતું.જ્યાં ક્રિસ્ટીનાનું નામ વિનર તરીકે અનાઉંસ કરવામાં આવ્યું અને તેને તાજ પહેરાવામાં આવ્યો છે. આ વર્ષે આ બ્યૂટી પેઝેંટમાં 120 પ્રતિભાગીઓએ ભાગ લીધો હતો. આ બધાને પછાડીને ક્રિસ્ટીના પિઝકોવાએ પોતાના નામે મોટો ખિતાબ કર્યો છે.

આપને જણાવી દઈએ કે, ગત વખતે આ પેઝેંટને પોલેન્ડની રહેવાસી કેરોલિના બિલાવસ્કાએ પોતાના નામે કર્યો હતો. તેણે જ ક્રિસ્ટીના પિઝકોવાકોને તાજ પહેરાવ્યો હતો. ભારત તરફથી સિની શેટ્ટીએ આ પેઝેંટમાં ભાગ લીધો હતો. પણ તે આ ખિતાબ જીતી શકી નહોતી. હકીકતમાં જોઈએ તો, ટોપ 8 સુધી જગ્યા બનાવવામાં તે સફળ રહી હતી. પણ જ્યારે ટોપ 4 કંટટેસ્ટેંટની પસંદગી થઈ તો, તે બહાર થઈ ગઈ હતી અને મિસ વર્લ્ડનો ખિતાબ જીતવાની રેસમાંથી બહાર થઈ ગઈ. આપને જણાવી દઈએ કે, સિનીનો જન્મ કર્ણાટકમાં થયો છે. જો કે, તેનો અભ્યાસ મુંબઈમાં થયો છે. 2022માં તે ફેમિના મિસ ઈંડિયાનો ખિતાબ જીતી ચુકી છે.