નિઝર અને ઉચ્છલના ગામોમાં “નલ સે જલ” યોજના અંતર્ગત તાલુકાના વિવિધ ગામોમાં વોટર એન્ડ સેનિટેશન મેનેજમેન્ટ ઓર્ગેનાઇઝેશન (વાસ્મો) પ્રોજેક્ટ દ્રારા થયેલા કામો ટાંકી,બોર,પાઇપ લાઇન,નળ વગેરેમાં મોટા પાયે ભ્રષ્ટાચાર સાથે તકલાદી કામગીરી સામે આવી છે.તેમ છતાં લાડકાયા તંત્ર દ્વારા ૨,૧૦,૦૦૦/- જેટલા ઘર ઘર નળ કનેક્શન આપી ૯૫ ટકા કામગીરી પૂર્ણ બતાવી સબ સલામતના દાવા કરવામાં આવી રહ્યા છે.

નિઝર તાલુકાના કાવઠા ગામ તેમજ ઉચ્છલના ફૂલવાડી સહિતના આસપાસના ગામે સરકાર દ્વારા વાસ્મો યોજના અંતર્ગત લોકહિતમાં મસમોટી રકમ ગ્રાન્ટ સ્વરૂપે બજેટ ફાળવવામાં આવ્યું છે અને કામ પૂર્ણ થયા અને કોન્ટ્રાકટરને રકમ ચૂકવી દીધાનું પણ સ્થાનિકો જણાવી રહ્યા છે. અહીના વિસ્તારમાં બોર અને ટાંકીનું સ્થળ તપાસ કરતા બોરમાં પાણી ન હતુ.કોઇ પણ ઘરને ટીપું પાણી મળ્યુ નથી,લોકો સુધી પાણી ન પહોચ્યાની ફરિયાદ ઉઠવા પામી છે.

આ ઉપરાંત નિઝર અને ઉચ્છલ તાલુકાના અનેક ગામોમાં પણ આવુ જ તકલાદી કામ જોવા મળ્યું હતું. વાસ્મો દ્વારા કેટલાક ગામોમાં કામ પૂર્ણ થઈ ગયેલ અને કોન્ટ્રાકટરને બિલોની ચુકવણી પણ થઈ ગઈ હોવા છતાં આજે પણ લોકોને તેમના ઘર બહાર લગાવેલ નળમાં પાણી પહોંચ્યું નથી.

વાસ્મો દ્વારા ખૂબ મોટો ભ્રષ્ટાચાર કરવામાં આવ્યો છે.ટાંકી,પાઇપલાઇન અને નળ નાખવામાં ખૂબ વેઠ ઉતારવામાં આવી છે.લોકોને નળમાં પાણી મળ્યું જ નથી તેમ છતાં કોન્ટ્રાકટરોને બિલોનું પેમેન્ટ પણ ચૂકવી દેવામાં આવ્યું છે.યોજનાની વિજિલન્સ તપાસ થાય તેવી માંગ સ્થાનિકો કરી રહ્યા છે. 

ઉચ્છલ અને નીઝરમાં તપાસ કરવી લેવું છું બનતા પ્રયાસો કમ્પ્લીટ કરાવી દઈશ, જોકે ગામના સરપંચે અને પાણી સમિતિએ પણ એક્ટીવ થવાની જરૂર છે, કામગીરી પ્રગતીમાં છે, જિલ્લામાં કુલ ૨,૧૦,૦૦૦/- જેટલા ઘર ઘર નળ કનેક્શન આપી ૯૫ ટકા જેટલી કામગીરી પૂર્ણ કરી દેવામાં આવી છે, આશરે ૧૬૫ જેટલા લાઈટ કનેક્શન આપવાના બાકી છે.

જોકે ત્રણ વર્ષ પહેલા મુકવામાં આવેલ ટાંકીમાંથી લોકોને આજદિન સુધી પાણી મળ્યું ન હોવાનું પૂછવામાં આવતા જણાવ્યું હતું કે, બે-ત્રણ ફેક્ટર કામ કરતા હોય છે, પાણી પુરવઠાની ટાંકી હોય પણ એમાં હું કાંઈ કહી શકતો નથી,પરંતુ જે ગામને પાદરમાં સંપ હોય ત્યાંથી ગામની અંદર સુધી લાઈન નાખીએ છીએ અને કનેક્શન આપીએ છીએ.

આપને અહીં જણાવી દઈએ છીએકે, તાપીમિત્ર દ્વારા એક પોસ્ટ સોશિયલ મીડિયામાં વાયરલ કરી આપના વિસ્તારમાં નલ સે જલ યોજનામાં ગેરરીતિઓ/ભ્રષ્ટાચાર આચરવામાં આવ્યો હોય તો ફોટો સાથે ટૂંકી વિગત લખી મોકલવા જણાવ્યું હતું,જેમાં આપ સહુ વાંચક મિત્રોની મદદથી અમોને સફળતા મળી છે. હમો આપની રજૂઆતો અને સમસ્યાઓને તંત્રના પ્રમાણિક અધિકારીઓ સુધી પહોંચાડવા માટેના તમામ પ્રયાસો કરીશું.

આપના ગામમા નલ સે જલ યોજનામાં પાણીની ટાંકીના કામો થયા છે ?? ટાંકી, બોર, પાઇપ લાઇન વગેરેના સાધનો બરાબર ફિટિંગ કરવામાં આવ્યા છે ?? ટાંકી માંથી આપને પાણી મળે છે ?? આપના વિસ્તારમાં વોટર એન્ડ સેનિટેશન મેનેજમેન્ટ ઓર્ગેનાઇઝેશન (વાસ્મો) પ્રોજેક્ટ દ્રારા થયેલા કામોમાં (નલ સે જલ યોજનામાં) ભ્રષ્ટાચાર થયો હોય,કોન્ટ્રાક્ટર દ્વારા ગેરરીતિઓ આચારવામાં આવી હોય તો આજેજ તાપીમિત્રના વોટ્સએપ નંબર ૭૮૨૦૦૯૨૫૦૦ પર ફોટા સાથે વિગત લખી મોકલાવો..