નવસારી છાપરા રોડની રાણા સોસાયટીમાં આવેલ સહજાનંદ એપાર્ટમેન્ટના ચોથા માળના ફ્લેટમાં ધોળા દહાડે તસ્કરોએ ત્રાટકી રૂપિયા ૪ લાખથી વધુ સોનાના દાગીનાની ચોરી કરી નાસી છૂટયાની ફરિયાદ રૂરલ પોલીસ સ્ટેશનમાં નોંધાઇ હતી. પ્રાપ્ત માહિતી મુજબ, મમતાબેન કિરણભાઈ પટેલ (રહે.એ-૪૦૧,સહજાનંદ એપાર્ટમેન્ટ,રાણા સોસાયટી,છાપરા રોડ,નવસારી)નાં ફ્લેટમાં તારીખ ૧૬મી ઓક્ટોબરનાં રોજ બપોરનાં ૧:૩૦ વાગ્યાના અરસામાં કોઈ અજાણ્યા ઇસમે ફ્લેટના દરવાજાના હેન્ડલના બોલ્ટ ખોલી અંદર પ્રવેશ કર્યા બાદ કબાટમાંથી સોનાનું મંગલસૂત્ર, સોનાની ચેઇન, ગળાનું ડોક્યું અને પોચ્યું મળી સાડા આઠ તોલાથી વધુ દાગીના જેની કિંમત રૂપિયા ૪.૧૦ લાખની ચોરી કરી કરી ફરાર થઈ ગયા હતા.