નર્મદાનાં નાંદોદ તાલુકાનાં પલસી ગામનાં ખેતરમાં નિંદામણ કરતી મહિલાને સાપે ડંખ મારતા તેમનું સારવાર દરમિયાન મોત થયું હતું. સુત્રો પાસેથી મળતી માહિતી અનુસાર, નાંદોદનાં પલસી ગામે રહેતા સરોજબેન સુરેશભાઇ વસાવા નાઓ પોતાના કપાસનાં વાવેતરવાળા ખેતરમાં નિદાંમણનું કામ કરતી હતી. તે વખતે જમણા હાથની વચલી આંગળીમાં કોઇ ઝેરી સાપ કરડી જવાથી પ્રાથમીક સારવાર સિવિલ હોસ્પિટલ રાજપીપલા ખાતે કરાવી હતી. ત્યારબાદ ત્યાંથી વધુ સારવાર માટે એસ.એસ.જી.હોસ્પિટલ વડોદરા ખાતે લઇ જવામાં આવ્યા હતા. ત્યાં તેમનું સારવાર દરમ્યાન મોત થતાં રાજપીપળા પોલીસે અકસ્માત મોત દાખલ કરી હતી.