બારડોલી તાલુકા શહેર ઉપરાતં ઉપરવાસમાં પડી રહેલા અતિ ભારે વરસાદના કાણરે બારડોલી શહેરમાંથી પસાર થતી મીઢોળ નદીમાં ધસમસતા પુર આવ્યા છે. જોકે ગતરોજ રાતથી મીઢોળા નદીના પુરનું જળસ્તર સતત વધી રહ્યું હતું. રાતભર પડેલા ભારે વરસાદની સાથે આજે સવારથી પણ લગાતાર વરસાદ પડતા બારડોલી શહેરમાં મીંઢોળા નદી કાઠા કિનારામાં વસતી અનેક વસાહતોમાં પુરનું પાણી ઘુસી જતા સેંકડો કાચા પાકા મકાનો પાણીમાં ગરક થઈ જવાથી સેંકડો લોકોને અસર પહોંચી છે. પાણી સતત વધતા લોકો ઘરો ખાલી કરીને ઊંચાઈવાળા વિસ્તારોમાં આસરો લેવા મજબુર બન્યા છે.

પુરના કારણે રામજી મંદિર પાસેનો લો લેવલ કોઝવે પુલ પણ ગઈ કાલ રાતથી પાણીમાં ડુબી જતા વાહન વ્યવહાર બંધ કરી દેવાયો હતો. બારડોલી કોર્ટ સામેની ખાડા વસાહતમાં આશરે ૧૫૦થી વધારે કાચા પાકા મકાનો પાણીમાં ગરક થયા છે. ભરવાડ પશુપાલકોના તબેલા પણ પાણીમાં ડુબી જવાથી લોકોને ભારે હાડમારી ભોગવવી પડી છે. જેમાં તલાવડી મેદાન વસાહત ઉપરાંત મીઢોળા નદી કિનારાના શેઠ ફળીયા, રાધા કિષ્ના મંદિરની પાછળની વસાહત અને ગણેશ વિર્સજન ઓવારા વિસ્તારના અનેક ઘરોમાં મીઢોળા નદીના પાણી ઘુસી જતા ત્યાના સેંકડો લોકોએ સ્થળાતર કરવું પડયું હતું.