દહેગામ થી હાઈવે સુવિધા પથ ઉપર ભરચક બજાર વચ્ચે ડમ્પરથી કચડાઈ જતા લવાડ ગામના એક યુવાનનું ઘટના સ્થળે મોત નીપજ્યું હતું.

લવાડ ગામમાં રેડ મૈઈકા કંપનીની બાજુમાં રહેતા રેવાભાઈ હગરામભાઈ ભરવાડા(ઉ.વ.30) સવારે મોટરસાઈકલ નંબર જીજે/18/એસ/5519 લઈને દહેગામ ખાતે ઘરનું કરિયાણું લેવા માટે નીકળ્યા હતા. તે સમય દમિયાન બપોરે 1 વાગ્યાના અરસામાં બજારમાં આવેલી દુકાનની સામે રોડ ઉપર એક પુરઝડપે આવતા ડમ્પર નંબર જીજે/09/એયુ/4319એ મોટરસાઈકલ સાથે અકસ્માત કર્યો હતો. અકસ્માતમાં યુવાન રેવાભાઈ ડમ્પર નીચે આવી જતા કચડાઈ ગયા હતા અને ઘટના સ્થળે તેમનું કરુણ મોત નીપજ્યું હતું. અકસ્માત બાદ ડમ્પરનો ચાલક સ્થળ પરથી નાસી છુટ્યો હતો. આ ઘટનાની જાણ થતા પોલીસ ઘટના સ્થળ પર પહોચી બનાવ અંગે ગુનો નોંધી આગળની કાર્યવાહી હાથ ધરી હતી.