ગાંધીનગર શહેર નજીક આવેલા મેદરા ગામમાં રહેતો યુવક ભરતજી જગાજી ઠાકોર સાંજના સમયે તેનું બાઈક નંબર જીએચ/01/ઈએલ/1496 લઈને નરોડા તરફથી મેદરા ગામ તરફ જઈ રહયો હતો. તે સમય દરમિયાન હાઈવે ઉપર રાધાસ્વામી આશ્રમ સામે તેનું બાઈક સ્લીપ ખાઈ ગયું હતું. જેના કારણે યુવકને શરીરે ગંભીર ઈજાઓ પહોંચી હતી.

 

 

 

આ અકસ્માતના પગલે આસપાસના સ્થાનિક લોકો દોડી આવ્યા હતા અને 108 એમ્બ્યુલન્સને જાણ કરતાં ઘાયલ યુવક ભરતજીને સારવાર માટે અમદાવાદ સિવિલ હોસ્પિટલ ખસેડવામાં આવ્યો હતો જયાં ટૂંકી સારવાર દરમિયાન તેનું મોત નીપજયું હતું.

 

 

 

આ બનાવ અંગે પોલીસ અને યુવકના પરિવારજનોને જાણ થતાં તેઓ સિવિલ પહોંચ્યા હતા અને મૃતકના કાકા ભુપતજી લાલાજી ઠાકોરની ફરીયાદના આધારે પોલીસે અકસ્માતનો ગુનો નોંધ્યો હતો.