ગાંધીનગર શહેર નજીક આવેલ પેથાપુર ખાતે આદિત્ય એલીગન્સ નામની બાંધકામ સાઈટ ઉપર બીજા માળેથી પટકાતાં દાહોદના શ્રમિક મજુરનું મોત નીપજયું હતું.

સુત્રો પાસેથી મળતી માહિતી મુજબ, દાહોદના પથવાડા રામાના 20 વર્ષીય યુવક મુકેશ શંકરભાઈ કોળી પેથાપુરની બાંધકામ સાઈટ ઉપર સેન્ટીંગનું કામ કરતો હતો. તે દરમિયાન રાત્રીના સમયે મુકેશ સાઈટના બીજા માળેથી નીચે પટકાયો હતો. જયાં સંપ માટે બનાવેલા પીલ્લરના છ સળીયા મુકેશના શરીરમાં ઘુસી ગયા હતા. ગંભીર ઈજાઓના કારણે તેનું મોત નીપજયું હતું. સવારના સમયે સાથી મજુરોને આ ઘટના અંગે પેથાપુર પોલીસને જાણ કરવામાં આવી હતી. પોલીસે અકસ્માતે મોતનો ગુનો દાખલ કરીને વધુ તપાસ હાથ ધરી હતી.