ગાંધીનગર શહેરનાં તેમજ આસપાસના વિસ્તારોમાં પાર્ક થયેલી કારના કાચ તોડીને ચોરટાઓ  માલસામાન ચોરી રહયા છે ત્યારે સે-26માં આવેલી સરકારી પોલીટેકનિક કોલેજમાં લેકચરર તરીકે ફરજ બજાવતાં કુમીન્દ્રીબેન પ્રજાપતિ સાંજના સમયે તેમની કાર લઈને અડાલજ મહારાજા હોટલ પાસે આવેલી દુકાનમાં નાસ્તો લેવા માટે ગયા હતા. તે સમય દરમિયાન તેમની કારનો કાચ તોડીને ચોરટાઓ  તેમાંથી લેપટોપ અને અન્ય કિંમતી દસ્તાવેજ ભરેલી બેગ ચોરીને ભાગી ગયા હતા. આ ઘટના અંગે તેમણે તેમના ભાઈ જયકુમાર પ્રજાપતિને જાણ કરતાં તેઓએ 50 હજારના મુદ્દામાલની ચોરી  અંગે અડાલજ પોલીસમાં ફરીયાદ આપતાં પોલીસે ગુનો નોંધી આગળની તપાસ હાથ ધરી હતી.