ગાંધીનગર જિલ્લામાં ચિલોડા પોલીસે સર્કલ પાસેથી થેલામાં દારૃની હેરાફેરી કરતાં એક યુવકને ઝડપી લીધો હતો. જેના થેલામાંથી વિદેશી દારૃની 20 બોટલ કબ્જે કરીને 17,400/-નો મુદ્દામાલ કબ્જે કરી પોલીસે કાર્યવાહી હાથ ધરી હતી.

 

 

 

 

સુત્રો પાસેથી મળતી માહિતી અનુસાર, ગાંધીનગર જિલ્લામાં હાલ પ્રોહીબીશન ડ્રાઈવ ચાલી રહી છે અને દારૃની હેરાફેરી અટકાવવા માટે પોલીસ દોડી રહી છે. ચિલોડા પોલીસની ટીમ પેટ્રોલીંગમાં હતી તે દરમિયાન સર્કલ પાસેથી એક યુવક હાથમાં બે કાપડના થેલા લઈને પસાર થઈ રહયો હતો. પોલીસને આ યુવક શંકાસ્પદ લાગતાં તેને ઉભો રાખ્યો હતો અને તેનુ નામ પુછતાં તે યોગેશ રામવિલાસ ગુપ્તા (રહે.ડી-433 કૃષ્ણનગર સોસાયટી વિભાગ-ર, ઓઢવ) નો હોવાનું જણાવ્યું હતું.

 

 

 

 

ત્યારબાદ પોલીસે યુવકનો થેલા તપાસતા અલગ-અલગ બ્રાન્ડની 20 બોટલ મળી આવી હતી અને પોલીસે દારૃ અને મોબાઈલ આમ મળી કુલ રૂપિયા 17,400/-નો મુદ્દામાલ કબ્જે કર્યો હતો. આ યુવક દારૃ કયાંથી લાવ્યો હતો અને કયાં લઈ જવાનો હતો તે જાણવા માટે તપાસ શરૃ કરતા જાણવા મળ્યું હતું કે, રાજસ્થાન તરફથી આવતી લકઝરી બસમાં મુસાફર બનીને તેણે દારૃની હેરાફેરી કરી હોવાનું કબુલ કર્યું હતું.