ગાંધીનગર જીલ્લામાં રખિયાલ પોલીસની ટીમ પેટ્રોલીંગમાં હતી. તે સમય દરમિયાન બાતમી મળી હતી કે, એક યુવક બાઈક નંબર જીજે/09/ સીએન/7639 ઉપર વિદેશી દારૂનો જથ્થો લઈ પસાર થવાનો છે જે બાતમીના આધારે પોલીસે, પાટના કુવાથી ધનિયોલ રોડ ઉપર વોચ ગોઠવી હતી. તે સમય દરમિયાન બાતમીવાળી બાઈક આવતા તેને રોકી ઉભી રાખી અને બાઈક પર સવાર યુવકનું નામ પુછતા યુવકે પોતાનું નામ મનહરસિંહ મેલાજી પરમાર (રહે.તલોદ) હોવાનું બહાર આવ્યું હતું અને તેની પાસે રહેલા થેલામાં તપાસ કરતાં વિદેશી દારૂની 21 જેટલી બોટલ મળી આવી હતી.

પોલીસે દારૂ અને બાઈક મળી કુલ રૂપિયા 23 હજારનો મુદ્દામાલ કબ્જે કરી લઈ મનહરસિંહ પરમાર સામે પ્રોહી. એકટનો ગુનો નોંધી દારૂ કયાંથી લાવ્યો હતો અને કયાં લઈ જવાનો હતો તે જાણવા માટેની તપાસ હાથ ધરી આગળની કાર્યવાહી હાથ ધરી હતી.