ગાંધીનગર જિલ્લાનાં ચિલોડા પોલીસે ચંદ્રાલા પાસે વાહન ચેકીંગમાં હતી. તે દરમિયાન બાઈક ઉપર દારૃની હેરાફેરી કરતાં 2 શખ્સોને ઝડપી પાડયા હતા અને તેમની પાસેથી વિદેશી દારૃની 36 બોટલ કબ્જે કરીને કુલ 38 હજારનો મુદ્દામાલ કબ્જે કરવામાં આવ્યો હતો.

સુત્રો પાસેથી મળતી માહિતી અનુસાર, ચિલોડા પોલીસની ટીમ ચંદ્રાલા પાસે વાહન ચેકીંગમાં હતી. તે દરમિયાન જીજે/01/યુએન/9739 નંબરના બાઈકને ઉભી રાખી અને બાઈક પર સવાર શખ્સોના નામ પુછતાં સાબરકાંઠાના ડગલા ગામના સંજયકુમાર બાબુભાઈ ચૌહાણ અને અમદાવાદ ગોમતીપુરના મગન કુંભારની જુની ચાલીમાં રહેતા રાજકુમાર ઉર્ફે રાજન ચંદુભાઈ સોલંકી હોવાનું બહાર આવ્યું હતું. બાઈક ઉપર લગાવેલા થેલામાં તપાસ કરતાં બિયરની 36 બોટલ મળી આવી હતી અને 2 મોબાઈલ તેમજ બાઈક મળી 48 હજારનો મુદ્દામાલ કબ્જે કરવામાં આવ્યો હતો. આ શખ્સો દારૂ કયાંથી લાવ્યા હતા અને કયાં લઈ જવાના હતા તે જાણવા માટે પોલીસે તપાસ હાથ ધરી હતી.