રાજ્યભમાં મહિલા અને બાળ વિકાસ વિભાગ દ્વારા રાજ્યની મહિલાઓ સામાજિક, આર્થિક,  માનસિક અને શારીરિક રીતે સંપન્ન તથા સમાજમાં ગૌરવભેર આગળ વધે તે માટે રાજ્ય સરકાર દ્વારા વિવિધ આયોજન હાથ ધરવામાં આવે છે. સર્વાંગી વિકાસના મહત્વના પરિબળો, જેવા કે સુરક્ષા, સ્વાવલંબન, કલ્યાણ અને સ્વાસ્થ્ય વગેરે ક્ષેત્રમાં મહિલાઓ સક્ષમ થાય તે હેતુસર ૧ ઓગસ્ટથી ૭ ઓગસ્ટ દરમ્યાન “નારી વંદન સપ્તાહ” ઉજવણી કરવામાં આવે છે. જે મુજબ તાપી જિલ્લા વહીવટી તંત્ર દ્વારા પણ વિવિધ કાર્યક્રમો સાથે નારી વંદન સપ્તાહની ઉજવણી કરવામાં આવશે.

તા.૧ ઓગસ્ટના રોજ મહિલા સુરક્ષા દિવસ, તા.૨ ઓગસ્ટના રોજ બેટી બચાવો, બેટી પઢાવો દિવસ, તા.૩ ઓગસ્ટના રોજ મહિલા સ્વાવલંબન દિવસ, તા. ૪ ઓગસ્ટના રોજ મહિલા નેતૃત્વ દિવસ, તા.૫ ઓગસ્ટના રોજ મહિલા કર્મયોગી દિવસ, તા.૬ ઓગસ્ટના રોજ મહિલા કલ્યાણ દિવસ અને તા.૭ ઓગસ્ટના રોજ મહિલા અને બાળ આરોગ્ય દિવસની ઉજવણી થશે. જેમાં પોલીસ વિભાગ, શિક્ષણ વિભાગ, સુરક્ષા સેતુ ટીમ, જિલ્લા કાનુની સેવા સત્તા સત્તા  મંડળ, તાલુકા કાનુની સેવા સત્તા મંડળ, આરોગ્ય અને પરિવાર કલ્યાણ વિભાગ, રમત ગમત યુવા અને સાંકૃતિક પ્રવૃત્તિઓ વિભાગ, ગુજરાત મહિલા આર્થિક વિકાસ નિગમ, ગ્રામ વિકાસ વિભાગ, રોજગાર અને તાલીમ વિભાગ, જિલ્લા ઉદ્યોગ કેન્દ્ર, શ્રમ અને રોજગાર વિભાગ, સમાજ કલ્યાણ વિભાગ, પંચાયત ગ્રામ ગૃહ નિર્માણ અને ગ્રામ વિકાસ વિભાગ, કૃષિ અને પશુપાલન વિભાગ,  GIDC, લિડ બેન્ક મેનેજર, આઇ.સી.ડી.એસ. વિભાગો સહભાગી થશે.