ભારતીય સેનાનું વધુ એક વિમાન દુર્ઘટનાગ્રસ્ત બન્યું છે. ગોવામાં એક MiG-29K ફાઈટર પ્લેન ક્રેશ થયું હોવાના અહેવાલ સામે આવ્યા છે. ગોવાના દરિયા કિનારે નિયમિત ફ્લાઈટ દરમિયાન આ અકસ્માત થયો હતો. જોકે એકાએક પ્લેન ક્રેશ થતા પાયલટ પણ જીવ બચાવવા નીકળવામાં નીકળ્યો અને સફળ રહ્યો છે. આમ પાયલોટનો આબાદ બચાવ થયો છે. ફરી એક વખત ફાઈટર જેટની આકસ્મિક દુર્ઘટના મામલે ભારતીય નૌકાદળે તપાસના આદેશ આપ્યા છે.

બોર્ડ ઓફ ઈન્કવાયરીને આ અંગે તપાસ કરવા જણાવાયું છે. અધિકારીઓએ જણાવ્યું કે ટેકનિકલ ખામી બાદ પ્લેન બેઝ પર પરત ફરી રહ્યું હતું ત્યારે આ દુર્ઘટના બની હતી. અત્રે ઉલ્લેખનીય છે કે, આ અગાઉ પણ 26 નવેમ્બર 2020નાં રોજ ગોવાના કિનારે MiG-29K ટ્રેનર એરક્રાફ્ટને અકસ્માત નડ્યો હતો. આ ઘટનામાં એરક્રાફ્ટના ટર્બોચાર્જર, ફ્યુઅલ ટેન્ક એન્જિનની પાંખના એન્જિન સહિતનો કેટલોક કાટમાળ મળી આવ્યો હતો. રશિયન બનાવટના એરક્રાફ્ટે એરક્રાફ્ટ કેરિયર INS વિક્રમાદિત્યથી ઉડાન ભરી હતી અને તે સાંજે 5 વાગ્યે ક્રેશ થયું હતું.