પાંડેસરા જીઆઈડીસીમાં યુવકે વાત કરવા માટે મોબાઈલ ફોન નહી આપતા બે અજાણ્યાઓએ પેટના ભાગે ચપ્પુના ઘા ઝીંકી નાસી ગયા હતા. પાંડેસરા પોલીસના જણાવ્યા મુજબ, વડોદ ગણેશનગર સત્યનારાયણનગર ખાતે રહેતા મહેન્દ્ર લલ્લી પાલનો મોટોભાઈ છોટેલાલ ગુરુવારે રાત્રે સાડા નવેક વાગ્યે પાંડેસરા જીઆઈડીસી આરમો ડાંઈગ મીલ પાસે ઉભો હતો. તે વખતે બે અજાણ્યાઓએ તેની પાસે વાત કરવા માટે મોબાઈલ ફોન માંગ્યો હતો. જોકે છોટેલાલે મોબાઈલ આપવાની ના પાડતા અજાણ્યાઓએ ઉશ્કેરાઈને ઝઘડો કરી પેટના ભાગે ચપ્પુના ઘા ઝીંકી લોહીલુહાણ કરી નાસી ગયા હતા. પોલીસે બનાવ અંગે ગુનો દાખલ કરી તપાસ હાથ ધરી હતી.