તાપી જિલ્લાનાં કુકરમુંડા તાલુકાનાં ડોડવા ગામમાં આગની ઘટનામાં ઘર તથા ઘરવખરી ગુમાવનાર પરિવારને સહાયના ચેકનું વિતરણ કરવામાં આવ્યું હતું.. કુકરમુંડા તાલુકાના ડોડવા ગામના રહીશ જાનાબેન ધારાસિંગભાઈ પાડવીના ઘરમાં થોડા દિવસ પહેલા શોર્ટસર્કીટથી આગ લાગી હતી.

જેમાં ત્રણ ગાળાનું ઘર તથા ઘરવખરી સહિતનો તમામ સરસામાન બળી જતા આદિવાસી પરિવારની સ્થિતિ કફોડી બની હતી. તેમજ પરિવારે આ આગમાં જીવન જરૂરીયાતની ચીજો સહીત સર્વસ્વ ગુમાવી દીધું હતું ઘટનાની જાણ થતા તે સમયે તાલુકાના જવાબદાર અધિકારીઓ પહોંચી ગયા હતા. આમ, અસરગ્રસ્ત પરિવારને રૂપિયા ૧.૨૫ લાખની સહાયનો ચેક અર્પણ કરવામાં આવતા પરિવારે રાહત અનુભવી હતી.