સોનગઢના દુમદા ગામ પાસેથી આજરોજ એકટીવા મોપેડ ગાડી ઉપર લઇ ઈંગ્લીશદારૂ જિલ્લા એલસીબીએ ઝડપી પાડ્યો હતો, જોકે એકટીવા પર સવાર બે ઈસમો નાશી છુટ્યા હતા જેમને વોન્ટેડ જાહેર કરવામાં આવ્યો છે.

 

 

 

 

જિલ્લા એલસીબી પોલીસ સ્ટાફના માણસો ને મળેલ બાતમીના આધારે આજરોજ સવારે સોનગઢ ના દુમદા ગામ પાસેના રેલ્વે ફાટક પાસેથી એક એકટીવા મોપેડ ગાડીનો પીછો કર્યો હતો.જોકે પોલીસને પીછો કરતા જોઈ ગયેલા મોપેડ ચાલક અને તેની પાછળ બેસેલ અન્યું એક ઇસમ એકટીવા મોપેડ નંબર જીજે/૨૬/ક્યુ/૯૬૩૬ને સ્થળ પર મૂકી નાશી છુટ્યા હતા. સ્થળ પર પહોચેલી પોલીસે તપાસ કરતા એક પ્લાસ્ટિકના મીણીયા થેલામાં તથા એકટીવા મોપેડની ડીકીમાંથી ભારતીય બનાવટની વિદેશી દારૂ સુગંધી સંતરાની કુલ બાટલીઓ નંગ ૧૯૨ જેની કી.રૂ. ૯૬,૦૦/-નો દારૂ મળી આવ્યો હતો.

 

 

 

 

બનાવ અંગે એલસીબીના પોલીસકર્મી ની ફરિયાદના આધારે રૂ.૯૬૦૦/-નો દારૂ, રૂ.૪૦ હજારની એકટીવા મોપેડ મળી કુલ રૂપિયા ૪૯,૬૦૦/- નો મુદ્દામાલ એલસીબી કબજે કરી ફરાર થઇ ગયેલ એકટીવા ચાલક અને તેની પાછળ બેસેલ ઈસમને વોન્ટેડ જાહેર કર્યો હતો.