રાજકોટ ભાવનગર રોડ પર પગપાળા જઈ રહેલા પ્રૌઢને અજાણી કારે અડફેટે લેતા પ્રૌઢને ઇજાગ્રસ્ત હાલતે હોસ્પિટલે ખસેડવામાં આવ્યા હતા જ્યાં તેમનું મોત નિપજ્યું હતું. મળતી વિગત મુજબ, ગઢડા તાલુકાના ઢસા ગામ કડિયા શેરી ભાવનગર રોડ પાસે રહેતા રામજીભાઈ વિરજીભાઈ ગોહિલ  (ઉ.વ.૬૫) સાંજના સમયે રાજકોટ ભાવનગર રોડ પર આવેલી જેસીબી ઓફિસની સામે રોડ પર ચાલીને જતા હતા.તે દરમિયાન ભાવનગર તરફથી આવતા અજાણ્યા કાર ચાલકે પોતાનું વાહન પુરઝડપે અને બે ફિકરાઈથી ચલાવી રામજીભાઇ ને અડફેટે લેતાં રામજીભાઇને માથા તથા શરીરના ભાગે ગંભીર ઈજા થતાં ૧૦૮ એમ્બ્યુલન્સ મારફતે હોસ્પિટલે ખસેડવામાં આવ્યા હતા જ્યાં ફરજ પરનાં તબીબે મૃત જાહેર કર્યા હતા. બનાવ સંદર્ભે મૃતકના નાનાભાઈ લખમણભાઈએ ઢસા પોલીસ મથકમાં અજાણ્યા કાર ચાલક વિરૂધ્ધ ફરિયાદ નોંધાવતા પોલીસે વધુ તપાસ હાથ ધરી હતી.