સુરત જીલ્લા એલ.સી.બી. પોલીસને બાતમી મળી હતી કે, એક બોલેરો પીકઅપ ટેમ્પોનો ચાલક ભુસાના ગુણોની આડમાં વિદેશી દારૂનો જથ્થો ભરી સોનગઢ તરફથી સુરત શહેર તરફ આવી રહ્યો છે. જેથી પોલીસે બારડોલીના માણેકપોર ગામની ચેક પોસ્ટ પાસે નાકાબંધી કરી બાતમીવાળી બોલેરો પીકઅપ અટકાવી તલાશી લેતા ભુસાની ગુણોની આડમાં છુપાવેલો દારૂની વ્હીસ્કીની બાટલીઓ નંગ ૩,૩૬૦ જેની કિંમત રૂપિયા ૩,૩૬,૦૦૦/-, અને બોલેરો ટેમ્પો જેની કિંમત રૂપિયા ૪ લાખ મળી કુલ રૂપિયા ૭.૪૧ લાખનો મુદ્દામાલ કબજે કરી ચાલક ચાલક રાકેશ ઈન્દારામ જોધારામ મેઘવાલ (રહે.પાવાસગામ સોજત થાના.શીવપુરા તા.સોજત, જિ.પાલી, રાજસ્થાન)ની ધરપકડ કરી હતી. તેમજ ઓમપ્રકાશ ગુજ્જરને વોન્ટેડ જાહેર કરી આગળની કાર્યવાહી હાથ ધરી હતી.