વલસાડ એલ.સી.બી. તથા પેરોલ ફ્લો સ્કોડની ટીમ પેટ્રોલિંગમાં હતી. તે દરમિયાન બાતમી મળી હતી કે એક ટાટા ટેમ્પો નંબર એમએચ/૦૪/એલઈ/૮૬૫૧માં દારૂનો જથ્થો ભરી નેશનલ હાઈવે નંબર-૪૮ મુંબઈથી સુરત તરફ જતા રોડ ઉપર ભીલાડ નરોલી ઓવર બ્રિજ તરફ જનાર છે. જેથી પોલીસે ભીલાડ નરોલી ઓવર બ્રિજ ઉતરતા છેડે વોચ ગોઠવી હતી. તે દરમિયાન બાતમી વાળો ટેમ્પો આવતા તેને ઊભો રાખી પાછળ ફાલ્કાના ભાગે તપાસ કરતાં પુઠ્ઠાના બોક્સની આડમાં અંદરથી ભારતીય બનાવટનો વિદેશી દારૂ મળી આવ્યો હતો. જેમાં બાટલી અને ટીન નંગ ૧૨૪૮ જેની કુલ કિંમત રૂપિયા ૧,૪૪,૦૦૦/-નો દારૂ, ટેમ્પો જેની કિંમત રૂપિયા ૩ લાખ કબ્જે લઈ પોલીસે ટેમ્પોના ચાલક ક્રિષ્ના નારાયણ નામદેવ જગતાપ (રહે.અંજુર સાન્તાબાઈ નિવાસ,મહારાષ્ટ્ર) અને કલીનર અજય રીશા ગોપાલ પાગી (રહે.અંજુર આદિવાસી પાડા, મહારાષ્ટ્ર)ને પકડી કુલ રૂપિયા ૪,૫૪,૦૦૦/-નો મુદ્દામાલ કબજે કર્યો હતો.