તાપી જિલ્લાના સોનગઢમાં આ આવેલો રજવાડી સમયનો ડોસવાડા ડેમ ભારે વરસાદના કારણે 70 ટકા ભરાયો છે. આ ડેમ આ સિઝનમાં પહેલીવાર આટલો બધો ભરાયો છે અને ગમે તે સમયે ઓવરફ્લૉ થવાની શક્યતા છે. આ ડેમની પૂર્ણતઃ સપાટી 123.44 મીટર (405 ફૂટ) છે. આજે એટલે કે તા.22મી જુલાઇ રોજ સવારે 8:30 કલાકે ડોસવાડા ડેમની સપાટી 122.20 મીટર (400.11ફૂટ) પહોંચેલ છે. આ ડેમમાં તેની કુલ સંગ્રહ શક્તિ 70 ટકા જથ્થો પાણી ભરાયેલ છે. જેથી ડેમની હાલની સપાટી warning સ્ટેજના લેવલે થયેલ છે.  આથી ભારે વરસાદના કારણે ડેમના સપાટી ગમે તે સમયે પૂર્ણ સપાટીએ પહોંચીને ઓવરફ્લૉ થવાની શક્યતા છે. જેને લઇ ડેમના હઠવાસના તાલુકાના ગામોમાં સાવચેતીના પગલાં લેવા સુચના આપી દેવામાં આવી છે.