તાપી એલસીબી પોલીસ ને મળેલ બાતમી આધારે આજરોજ સોનગઢ તાલુકાના કપડબંધ ગામમાં આવેલ જંગલખાતાની ઓફીસ પાછળ આવેલ ટેકરી ઉપર વરલી મટકા જુગારના અડ્ડા પર દરોડા પાડ્યા હતા.

જેમાં મુંબઈ થી નીકળતા વરલી મટકાના આંકો ઉપર પૈસા વતી હાર જીતનો જુગાર રમી રમાડતા જુગારના સાધનો અને રોકડ રકમ મળી કુલ રૂપિયા 1580/- ના મુદ્દામાલ સાથે ધર્મેન્દ્રભાઈ રામજભાઈ ગાવિત રહે, કાલિબેલ તા.વઘઈ જી.ડાંગ નાઓને ઝડપી પાડવામાં આવ્યો હતો જયારે કાંતિલાલ ગામીત રહે, કપડબંધ તા.સોનગઢ નાને વોન્ટેડ જાહેર કરવામાં આવ્યો હતો.

બનાવ અંગે હેડકોન્સ્ટેબલ સંજયભાઈ ચીમનભાઈની ફરિયાદના આધારે આરોપીઓ વિરુદ્ધ સોનગઢ પોલીસ મથકે ગુનો દાખલ કરી નિયમોનુસારની કાર્યવાહી હાથ ધરવામાં આવી હતી.