ધરમપુરના આસુરા ગામના જમાદાર ફળીયામાં રમેશભાઈ ભાયજનભાઈના ઘરમાં રહેતા તેમના પુત્ર ઉમેશભાઈની પત્ની સોમવારે બે બાળકો સાથે સવારે સાત વાગ્યે ખેરગામ તાલુકાના બહેજ ગામે ગઈ હતી અને સાંજે ઉમેશ પણ બહેજ સાસરે ગયો હતો. જોકે આ દરમિયાન સોમવારે રાત્રે અચાનક ઘર ઉપર વિજળી પડવાથી આગ લાગી ગઈ હતી જેને લઈ આસપાસના લોકો દોડી આવી આગ પર  પાણીનો છંટકાવ કરી ઓલવી હતી.

પરંતુ સદનસીબે પરિવાર બહાર ગયો હોવાથી કોઈ પણ પ્રકારની જાનહાની થઈ ના હતી. બનાવ અંગે તલાટીએ તાલુકા વિકાસ અધિકારીને રિપોર્ટ કર્યો હતો અને  ઘટનાની જાણ થતા ગામના અગ્રણીએ પરિવારની મુલાકાત લીધી હતી. જયારે ઉમેશભાઈના જણાવ્યા પ્રમાણે. આગમાં 2 પલંગ, સિલિંગ ફેન, કબાટ, મોબાઈલ, પૈસા, લાયન્સસ, બેંક પાસબુક, સ્કૂલના પુસ્તકો સહિત અગત્યના પુરાવાઓ નાશ પામ્યા હતા અને બીજું આર્થિક નુકશાન પણ થયું હતું.