જીવલેણ કોરોનાનો હવે તાપી જીલ્લામાં કોઈને ડર રહ્યો નથી અને લોકો બિન્દાસ્ત થઈ ફરીથી પોતાના રાબેતા મુજબ કામ ધંધામાં તેમજ હરવા ફરવા લાગ્યા છે. અને કોરોનાની રફતાર પણ ઓછી થઈ હોય તેમ પોઝિટિવ કેસની સંખ્યા પણ ઘટી રહી છે પરંતુ જે રીતે લોકો સોસિયલ ડિસ્ટન્ટ કે માસ્ક વગર બિન્દાસ્ત હરવા ફરવા લાગ્યા છે. તે એક ચિંતાનો વિષય બન્યો છે.

આજરોજ તાપી જીલ્લામાં કોરોના પોઝીટીવના નવા 2 કેસ સામે આવ્યા છે. જીલ્લા આરોગ્ય અધિકારી ડો,હર્ષદભાઈ પટેલના જણાવ્યા અનુસાર તા.23મી નવેમ્બર સોમવાર નારોજ સોનગઢના દોણગામના ગૌમુખ ફળીયામાં રહેતા 65 વર્ષીય પુરુષ અને ખડકાચીખલી ગામના નિશાળ ફળીયામાં રહેતા 45 વર્ષીય પુરુષનો કોરોના રીપોર્ટ પોઝીટીવ આવ્યો છે,

આ સાથે જીલ્લામાં કોરોના પોઝીટીવનો કુલ આંક 795 પર પહોચ્યો છે, આજે વધુ 4 દર્દીએ કોરોના ને મ્હાત આપી, અત્યાર સુધી કુલ 720 દર્દીઓ સાજા થયા છે. કોરોનાની સારવાર દરમિયાન કુલ 40 દર્દીઓના મોત નીપજ્યા છે.