સુરતના લાજપોર જેલમાં સજા ભોગવતા ભરણપોષણનો આરોપી ત્યાંથી વચગાળાના જામીન મેળવી સોનગઢના ચાકળિયા ખાતે પોતાના ઘરે આવ્યો હતો. જોકે રજાની મુદ્દત બાદ પરત જેલમાં હાજર ન થતા આ અંગે જ્યુડીશીયલ જેલરે સોનગઢ પોલીસ મથકમાં તેના વિરૂદ્ધ ફરિયાદ નોંધાવી છે.

 

 

 

 

 

સોનગઢના ચાકળિયાગામના દેવાજારી ફળીયામાં રહેતો સંજયભાઈ બાબલાભાઈ ગામીત સામે ભરણપોષણ મામલે વર્ષ 2019માં કેસ કોર્ટમાં ચાલી જતા સોનગઢ કોર્ટે ગત તારીખ ૧૪/૧૧/૨૦૧૯ નારોજ ભરણપોષણની રકમ રૂપિયા ૧,૩૧,૧૦૦/- ન ભરવા બાબત ૧૭૧૦ દિવસની સાદી કેદની સજા સંભળાવતા આરોપીને સુરતના લાજપોર મધ્યસ્થ જેલ ખાતે ધકેલી દેવાયો હતો.

 

 

 

 

 

કેદીના વચગાળાના જામીન મંજૂર થતા જેલમાંથી ૧૯/૦૫/૨૦૨૧ નારોજ તેને સોનગઢના ચાકળીયા ખાતે તેના ઘરે જવા માટે મુક્ત કરાયો હતો. તેમજ રજાની મુદ્દત પૂરી થતા ૧૯ જુલાઈ ૨૦૨૧ ના રોજ કેદીને જેલમાં હાજર થવાનું હતું. પરંતુ તે તારીખે હાજર નહિ થઇ કેદી ફરાર થઇ ગયા હોવાની જાણ થતા જેલર કે.જે.ઘારગેએ મંગળવારે કેદી સામે સોનગઢ પોલીસ મથકમાં ફરિયાદ નોંધાવતા પોલીસે પ્રિઝન્સ એક્ટની કલમ ૫૧-એ તથા ૫૧-બી મુજબ ગુનો નોંધી આગળની તપાસ હાથ ધરી છે.