તાપી જિલ્લાના છેવાડાના અંતરિયાળ વિસ્તારમાં આવેલા કુકરમુંડા અને નિઝર તાલુકાના બોર્ડર વિલેજના ગામોની મુલાકાતે પધારેલા ગુજરાતના મુખ્યમંત્રીશ્રી ભુપેન્દ્રભાઇ પટેલે તેમના ઝંઝાવાતી પ્રવાસ દરમિયાન નિઝર તાલુકાના રૂમકીતળાવ પ્રાથમિક શાળાની મુલાકાત લઇ બાળકો સાથે  મધ્યાહન ભોજન માણ્યું હતું. મુખ્યમંત્રીશ્રીએ ગ્રામીણ બાળકો સાથે બાળસહજ વાત્સલ્યના ભાવ સાથે, તેમની સાથે પંગતમાં બેસી મધ્યાહન ભોજનના ભોજનનો આનંદ માણ્યો હતો. દરમિયાન મુખ્યમંત્રીશ્રીએ બાળકો સાથે વાતચીત કરી મધ્યાહન ભોજનની ગુણવત્તા અને શૈક્ષણિક સુવિધાઓનો ચિતાર પણ મેળવ્યો હતો.