મનિષા એસ. સુર્યવંશી/તાપી : વ્યારાનાં કોલેજ રોડ પરનાં ઠક્કર ચેમ્બર્સની સામે આવેલ એક બંધ ઘરમાંથી રોકડ રૂપિયા અને સોનાના ઘરેણાંની ચોરી કરી અજાણ્યો ચોર ઈમસ ફરાર થતાં પોલીસ ફરિયાદ કરવામાં આવી હતી. મળતી માહિતી મુજબ, વ્યારાનાં કોલેજ રોડ પરનાં ઠક્કર ચેમ્બર્સની સામે આવેલ સાવનભાઈ શુક્કરભાઈ ઢોડિયાનાં ઘરમાંથી ગત તારીખ 14/08/2023નાં રોજ ઘરનાં મુખ્ય દરવાજાને મારલ તાળું તોડી ઘરમાં પ્રવેશ કરી પ્રથમ રૂમમાં મુકેલ કબાટ ખોલી કબાટનું લોકર તોડી લોકરમાં મુકેલ રોકડા રૂપિયા 37,500/- તથા પાછળનાં રૂમમાં મુકેલ કબાટ ખોલી કબાટનાં લોકર તોડી લોકરમાંથી એક સોનાનું મંગળસુત્ર જેની કુઈમત રૂપિયા 60,000/- અને એક સોનાની ચેન જેની કિંમત રૂપિયા 20,000/- તેમજ એક સોનાનું બ્રેસલેટ જેની કિંમત રૂપિયા 20,000/- મળી કુલ રૂપિયા 1,00,000/-ની ચોરી કરી હતી. આમ, અજાણ્યા ચોર ઈસમે ઘરમાંથી રોક રૂપિયા અને સોનાનાં ઘરેણાં મળી કુલ રૂપિયા 1,37,500/-ની ચોરી કરી અજાણ્યો ચોર ફરાર થઈ જતાં વ્યારા પોલીસ મથકે તારીખ 20/08/2023નાં રોજ અજાણ્યા ચોર ઈસમ વિરુદ્ધ ગુનો નોંધી પોલીસે અજાણ્યા ચોર ઈસમને શોધી કાઢવાની કામગીરી હાથ ધરી હતી.