મનિષા એસ. સુર્યવંશી/તાપી : વ્યારાના પનીયારી ગામના સડક ફળીયામાં દારૂનું વેચાણ કરનાર ઈસમના ઘરે રેઈડ કરતા ઘરના પાછળ પજારીનાં ભાગેથી ઈંગ્લીશ દારૂની છૂટક બોટલો મળી આવી હતી. મળતી માહિતી મુજબ, વ્યારા પોલીસ સ્ટાફનાં માણસો રવિવારના રોજ મોડી સાંજે વ્યારા પોલીસ સ્ટેશન વિસ્તારમાં પ્રોહી.ગુનાની રેઈડમાં નીકળેલ હતા.

તે દરમિયાન ફરતા ફરતા પનીયારે ગામે આવતાં સડક ફળિયામાં રહેતા અને પ્રોહી. પ્રવૃત્તિ કરતા રવેશભાઈ સામાભાઈ ગામીતનાં ઘરે પ્રોહી. ગુના અંગે રેઈડ કરતા ઘરે કોઈ હાજર મળી આવ્યું ના હતું. ત્યારબાદ પોલીસે ઘરની પાછળ પજારીમાંથી એક પ્લાસ્ટીકની થેલીમાં ભારતીય બનાવટનો ઈંગ્લીશ દારૂની છૂટક બોટલો મળી આવી હતી, જયારે રવેશભાઈ ગામીત ઘરે નહિ મળી આવતા પોલીસ ચોપડે વોન્ટેડ જાહેર કરી કાયદેસરની કાર્યવાહી હાથ ધરવામાં આવી હતી.