વ્યારાના ચીખલદા ગામ પાસે વિચિત્ર અકસ્માત સર્જાયો હતો. એક બાઈક આગળ ચાલતી અન્ય બાઈક પાછળ અથડાયા બાદ સામેથી આવતી કાર સાથે ટકરાઈ હતી. આ બનાવમાં સરૈયાગામના બાઈક ચાલકનું મોત નિપજ્યું હતું.

 

 

 

 

મળતી માહિતી અનુસાર વ્યારાના સરૈયાગામના દાદરી ફળીયામાં રહેતો હેમંતભાઈ બાપજીભાઈબ ગમીત આજરોજ સવારે તેના મિત્ર સાથે પોતાની સ્પ્લેન્ડર બાઈક નંબર જીજે/૨૬/એચ/૪૧૫૫ લઇને ઘરેથી વ્યારા તરફ જઈ રહ્યો હતો તે દરમિયાન ગામના જ ખલખડી ફળીયામાં રહેતો સુધીરભાઈ અશ્વિનભાઈ ગામીતએ પોતાના કબ્જાની બાઈક નંબર જીજે-૨૬/એએ/ ૯૩૦૩ ની પુર ઝડપે અને ગફલતભરી રીતે હંકારી લઈ આવી હેમંતભાઈની બાઇકના પાછળના ભાગે એરિયલ સાથે અથડાવી હતી. જેના કારણે સુધીરભાઈએ બાઈક ઉપરનો કાબુ ગુમાવતા સામેથી આવતી એક કાર નંબર જીજે/૦૫/આરજે/૧૦૫૦ ની સાથે ટકરાતા સુધીરભાઈના કપાળે અને શરીરે ગંભીર ઈજાઓ પહોચતા તેમનુ મોત નિપજયું હતું.

 

 

 

 

 

બનાવ અંગે બાઈક નંબર જીજે/૨૬/એચ/૪૧૫૫ નો ચાલક હેમંતભાઈ ગામીતની ફરિયાદના આધારે વ્યારા પોલીસે બનાવ દાખલ કરી વધુ તપાસ હાથ ધરી હતી.