સુરતનો યુવાન બાઈક લઈ પલસાણા તાલુકાનાં ઇટાળવા ગામના પાટીયેથી પસાર થઈ રહ્યો હતો તે દરમિયાન એક કન્ટેનરે કન્ટેનરે બાઈક ચાલકને અડફતે લઈ કચડી નાખતા યુવકનું ઘટના સ્થળે કમકમાટી ભર્યું મોત નીપજ્યું હતું. સુત્રો પાસેથી મળતી માહિતી અનુસાર, ગતરોજ બપોરમાં સમયે પલસાણાથી સચિન તરફ જતા રોડ પર આવેલ ઇટાળવા ગામના પાટીયે વ્હાઇટ લોટ્સની સામેથી રોનક શર્મા (ઉ.વ.30, રહે.ભેસ્તાન, સાઈ મોહન રો-હાઉસ) નાઓ હોંડા ડ્રિમ બાઈક નંબર GJ/05/MN/3558 લઈ પસાર થઈ રહ્યા હતા. 

તે દરમિયાન તિરંગા લોજીસ્ટિક કંપનીનું કન્ટેનર નંબર DL1/MA/7342ના ચાલકે બાઈક ચાલકને અડફતે લેતા બાઈક સવાર યુવક કચડાઈ જતા ઘટના સ્થળે કમકમાટી ભર્યું મોત નીપજ્યું હતું. બનાવ અંગે પલસાણા પોલીસે કન્ટેનર ચાલક વિરુદ્ધ ફરિયાદ નોંધવતા પોલીસે ગુનો નોંધી તપસા હાથ ધરી હતી.