ભરૂચના પીઢ પત્રકાર  મહેન્દ્રભાઈ રમણલાલ ગાંધી 85 વર્ષની ઉંમરે ટૂંકી માંદગી બાદ દુઃખદ નિધન થયું હતું. ભરૂચના નખશીખ ગાંધીવાદી અને પત્રકારત્વ ક્ષેત્રે છેલ્લા પચાસ કરતા વધુ વર્ષોથી કાર્યરત અને  પોતાના પાક્ષીક વૈષ્ણવી દેવી ઉપરાંત વિવિધ અખબારોમાં ફરજ બજાવનાર મહેન્દ્રભાઈ ગાંધીની છેલ્લા  ત્રણ-ચાર માસથી તબિયત લથડી હતી. આજે તેમનું નિધન થતા ભરૂચના પત્રકારત્વ ક્ષેત્રે એક યુગનો અંત આવ્યો હતો.

 

 

 

તેઓની સ્મશાનયાત્રા તેમના નિવાસસ્થાન નીલકંઠનગર સ્થિત નિવાસસ્થાને નીકળી હતી. જેમાં ભરૂચના પત્રકારો અને વિવિધ ક્ષેત્રના આગેવાનો સહિત પ્રજાજનો જોડાયા હતા.

 

 

 

સદગતની પ્રાર્થનાસભા આગામી ગુરૂવાર તા.૦૩/૦૩ /૨૦૨૧ની સાંજે ૪:૦૦ થી ૬:૦૦ના સમયગાળા દરમિયાન તેમના નીલકંઠ નગર સ્થિત નિવાસસ્થાને રાખવામાં આવેલ છે.(હનીફ માંજું દ્વારા અંકલેશ્વર)